LAIA_RÓNU

HUHUO SI NO ARO No ubee dandra akhigu Wangaro dõdõu ba khõgu No ubõbõ durumõ laeduru Faoma ana'a saro bu'u-bu'u He mõi mbotogu muloyo Tõdõgu khõu no aro Yawasa dõdõu haogõ wendoro Irege aekhu ba danõ huhuo He oya li dowi-towi Samadõgõ dõdõu faoma taroma li Tõrõ tõdõu wangandrõda akhi Ha faamate awai zamabali ... By.  Rocky BE Duha

MADALA ========================= He bawa hagaini dödögu Me faogömi nitaögögu Lö utötöna alua fefu Ha fege-ege zilö manö aetu Madala örara dödögu Me fa’asöndru nitaögögu Lö hede-hedeu öröi ndrao Ösawa mbanua so ahonoa Hana wa simanö hana Wa salua tenga fangifi Hana wa ahulö sibai öröido Lö fangombakha ba lö göi fangona No ufabu’u ba no u’etu’ö Lö manö ba dödö wangalui fangalimö Faomasigu khömö lö mamalö Irugi fa’amate.